Opera və Balet Teatrında aprel ayı üçün hazırlanmış ilk balet nümayiş olunub. Bu haqda 4 aprel tarixində Bakuplus.az-a məlumat daxil olub.
Azərbaycan Dövlət Akademik Opera və Balet Teatrı tamaşalarının nümayişini davam etdirir. Növbəti tamaşa Azərbaycan balet sənətinin incilərindən olan Qara Qarayevin iki pərdəli "Yeddi Gözəl" baletindən olub.
Qara Qarayev tərəfindən 1949–1952-ci illərdə bəstələnmiş baletin premyerası ilk dəfə 6 noyabr 1952-ci ildə Azərbaycan Dövlət Akademik Opera və Balet Teatrında keçirilmişdir.
Teatrda keçiriləcək növbəti tamaşa Argentinalı bəstəkar və bandoneon ustadı Astor Pyatsollanın unudulmaz əsəri "Məhəbbət tanqosu" baleti olacaq.
Biletlər Teatrın kassalarında, Mərkəzləşdirilmiş ASAN Xidmət kassalarında saat 11:00-dan 19:00-dək və ITICKET.AZ saytında satılır.
Tamaşaların nümayişi iyun ayına qədər davam edəcək.
