İçərişəhərdə fotomarafon keçiriləcək. Bu haqda 13 aprel tarixində Azərtac məlumat verib.
Fotomarafon Bakı Fotoqrafiya Evi və Azərbaycan Fotoqraflar İttifaqının birgə təşkilatçılığı ilə baş tutacaq.
Fotomarafonda iştirak edəcək şəxslər məhdud vaxt ərzində müəyyən edilmiş üç mövzuda şəkil çəkməyə (telefon və ya kamera ilə) dəvət olunacaqlar. Fotolar münsiflər heyəti tərəfindən qiymətləndiriləcək və qaliblər sertifikat və hədiyyələrlə təltif olunacaqlar.
Fotomarafonda iştirak etmək istəyənlər aprelin 18-i saat 14:00-dan 18:00-dək Bakı Fotoqrafiya Evində qeydiyyatdan keçməlidirlər. İştirakçılara öz şəkillərini təqdim etmək üçün 4 saat vaxt veriləcək. İştirakçılar mobil telefonlardan və ya peşəkar kameradan istifadə edə bilərlər (qeydiyyat vərəqəsində qeyd olunmalıdır). Təqdim olunacaq 3 mövzunun hər biri üçün 3-dən çox fotoşəkil təqdim edilməməlidir.
