Bakıda Dəmiryol Muzeyi fəaliyyətə başlayıb. Bu haqda bu gün, 28 dekabr tarixində Bakuplus.az Azərbaycan Dəmir Yollarına istinadən xəbər verir.
“28 May” metro stansiyasının yaxınlığında yerləşən Sabunçu vağzalının binası pandemiyadan sonra ilk dəfə ziyarətçilərə qapısını açıb. Muzeyə yeni eksponatlar da əlavə olunub.
Muzeydə 2 eksponat zalı, kino zalı, mədəniyyət və korporativ tədbirlərin təşkili üçün salonlar fəaliyyət göstərir. Burada vaxtaşırı olaraq imza günləri, qiraət saatları, kitab və rəsm sərgiləri, ictimai xadimlərlə görüşlər və s. kimi tədbirlərin təşkili nəzərdə tutulub.
Zallarda XIX əsrdə dəmir yolunun yaranması tarixini əks etdirən foto və videomateriallar, qatar modelləri nümayiş olunur. Həmçinin ulu öndər Heydər Əliyevin yer aldığı fotoguşə də yerləşdirilib.
Muzeyə giriş məktəblilər və tələbələr üçün ödənişsiz olacaq.
[URIS id=124822]
