Bakıda 4-8 may tarixlərində rəssam Nazim Şamxorovun “İşığın ecazkar əksi” adlı fərdi sərgisi keçiriləcək. Tədbir Azərbaycan Rəssamlar İttifaqının dəstəyi, Bakı Qalereyası, Xətai Sənət Mərkəzinin təşkilatçılığı ilə keçiriləcək. Bu haqda bu gün, 26 aprel tarixində Bakuplus.az məlumat verir.
Sərgi 4 may saat 19:00-da Xətai Sənət Mərkəzində açılacaq və 5-7 may saat 10:00-dan 19:00-dək ziyərətçiləri qəbul edəcək. Giriş pulsuzdur.
Nazim Şamxorov 1982-ci il mayın 5-də Bakı şəhərində anadan olub. 2006-cı ildən Cəfər Cabbarlı adına Teatr Muzeyində bərpaçı rəssam vəzifəsində çalışıb. O, “Abşeron”, “Neft Daşları”, “Bakı”, “Xəzər dənizi”, “Şuşa-Daşaltı kəndi”, “Şuşa. Gövhər-Ağa məscidi.” əsərlərinin müəllifidir.
