Bakının Milli Xalça muzeyində uşaqlar üçün qurama üzrə ustad dərsi təşkil olunacaq. Bu haqda bu gün, 6 iyul tarixində Bakuplus.az məlumat verir.
Dərslər yeni açılan “Xalidə Nəsirovanın qurama dünyası” adlı sərgi çərçivəsində aparılacaq.
İştirakçılar ustad dərsi üçün lazım olan materiallarla muzey tərəfindən təmin olunacaqlar. Lakin məktəblilər istədiyi parçaları özünlə də gətirə bilərlər.
Master-klaslara qatılmaq üçün qeydiyyatdan keçmək lazımdır. Əlaqə nömrəsi: (+994) 503634355. Dərslər çərşənbə axşamı - şənbə günləri, saat 10:00-dan 17:00-dək keçiriləcək.
Bakının Milli Xalça Muzeyində 29 iyun tarixində “Xalidə Nəsirovanın qurama dünyası” adlı sərgi açılıb. Qurama sənətinə həsr olunan sərgidə 40-a yaxın nümunə təqdim olunur. Sərgidə müəllifin orijinal əsərləri ilə yanaşı, ona bağışlanmış, 20-ci əsrin əvvəllərinə aid kompozisiyalar da nümayiş olunur.
