21 aprel tarixində Bakının YARAT mərkəzində anonim qalmaq istəyən insanların müsahibələri əsasında hazırlanmış "Kürəciklər" tamaşası nümayiş olunacaq. Bu haqda bu gün, 15 aprel tarixində Bakuplus.az məlumat verir.
"Kürəciklər", qulaqlıqlarda verbatim – sənədli teatr üsuludur. Burada aktyor səhnədə yaşamaqla, qulaqlıqlar vasitəsilə qəhrəmanların səslərini dinləyir və onları dərhal təqlid edir. Bu üsulu "sənədləşdirilmiş reallıq ilə bilavasitə əlaqə" kimi də adlandırmaq olar.
Tamaşanın müəllifi və iştirakçısı İskra Tarrantdır. Həmin tamaşa rejissorun 2020-ci ilin oktyabr ayında insanların nə haqda və nə üçün susduqlarını qeyd etmək cəhdidir. Burada onlar özləri, 2020-ci ilin Qarabağ müharibəsi, daxildə nə çəkdikləri, bu anı necə yaşadıqları barədə danışırlar.
Tamaşa 21 aprel, saat 19:00-dan 20:00-a kimi Yarat Contemporary Art Space-də rus dilində azərbaycanca və ingiliscə altyazılarla nümayiş olunacaq.
Giriş sərbəstdir. Girişdə COVID-19-a qarşı tam peyvənd sertifikatı təqdim edilməlidir. Yerlər məhduddur.
