“YARAT Freestyle” platforması çərçivəsində müsabiqə elan edilib. Bu haqda 19 aprel tarixində Bakı Şəhər Mədəniyyət Baş İdarəsi məlumat verib.
YARAT Müasir İncəsənət Mərkəzi yaradıcı insanları birləşdirən “YARAT Freestyle” platforması çərçivəsində müsabiqə elan edib. Müsabiqəyə həm Azərbaycan vətəndaşları, həmçinin aktyorluq, rəqqaslıq, yazıçılıq, rəssamlıq və ifaçılıq qabiliyyəti olan xarici ölkə vətəndaşları qatıla bilərlər.
Müsabiqə ödənişsizdir və keçirilən tədbirlər ictimaiyyət üçün açıqdır.
İştirak etmək istəyənlər mayın 15-dək müraciət edə bilərlər.
