Kliniki Tibbi Mərkəzin tabeliyində olan 2 saylı Uşaq Klinik Xəstəxanasında Uşaq nefrologiyası şöbəsi açılıb.
Azərbaycanın bütün bölgələrindən 1 yaşdan 17 yaşa qədər uşaqlara xitmət göstərəcək şöbə əsasən böyrək patologiyasından əziyyət çəkənləri müalicə edir. Burada laboratoriya və ultrasəs müayinələri, böyrək və sidik analizləri və digər tədqiqatlar aparılır.
2 saylı Kliniki Uşaq Xəstəxanasının gələcəkdə çoxsahəli uşaq tibb mərkəzinə çevrilməsi nəzərdə tutulur və bunun üçün artıq tibb ocağında bir sıra yeniliklər həyata keçirilir. Bunlardan biri də uşaq nefrologiyası şöbəsinin yenidən qurulması və inkişafıdır.
Daha öncə həmin şöbə 3 saylı Uşaq Xəstəxanasında fəaliyyət göstərib.
Uşaq nefrologiyası şöbəsində 6 həkim, 15 tibb bacısı, 6 kiçik tibb işçisi çalışır.
Tibb müəssisəsinin ünvanı: Nəsimi rayonu, A.A.Mirqasımov, 1.
Əlaqə nömrəsi: +994 12 597 98 92.
