“8-ci kilometr Ticarət Mərkəzi”ndə aşkarlanan pozuntular aradan qaldırılıb. Bu haqda bu gün, 22 dekabr tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Nizami rayonu, C.Naxçıvanski küçəsində yerləşən mərkəzində cari il ərzində Dövlət Yanğın Nəzarəti Xidməti tərəfindən aparılan yoxlamalar zamanı pozuntular aşkar edilib. Bu səbəbdən obyekt barəsində dəfələrlə inzibati cərimələr tətbiq edilib.
Ciddi pozuntulardan biri isə yanğına qarşı su hovuzunun üzərində piştaxtaların quraşdırılması olub. Sahibkarlar nöqsanları aradan qaldırmadıqları üçün onlara 20 gün əlavə vaxt verilib. Artıq piştaxtaların söküntüsü işlərinə başlanılıb və yanğınsöndürmə texnikalarının hovuzdan su götürməsi imkanı təmin edilib.
[URIS id=84145]
