Bakı metropoliteni 8 mart günü iş qrafikini açıqlayıb. Bu haqda bu gün, 7 mart tarixində Bakuplus.az quruma istinadən xəbər verir.
8 Mart - Beynəlxalq Qadınlar Günü qeyri-iş günü hesab edildiyindən "Bakı Metropoliteni" QSC-nin iş rejimində dəyişiklik ediləcək.
Gün ərzində saat 07:00-dan 21:00-a qədər “Həzi Aslanov-28 May” sahəsində qatarların hərəkəti 2,5 dəqiqəlik intervalla tənzimlənəcək.
Qırmızı və yaşıl xətlərin birləşdiyi “28 May” stansiyasından “İçərişəhər” və “Dərnəgül” istiqamətində qatarların hərəkət intervalı həmin vaxt ərzində 2 dəfə artıq olacaq.
Buna baxmayaraq, zərurət yarandığı təqdirdə xəttə əlavə qatarlar buraxılacaq.
“Bakmil” stansiyası istiqamətində və əksinə hərəkət edən sərnişinlərdən xahiş olunur ki, martın 8-də qatarların hərəkətinin şənbə günü cədvəlindən istifadə etsinlər.
Növbəti günlər Bakı metropoliteni ənənəvi qaydada fəaliyyət göstərəcək.
