Xətai rayonu, 8 Noyabr prospektində qəza törədən sürücü barəsində hökm oxunub. Bu haqda bu gün, 26 iyun tarixində Bakuplus.az Qafqazinfo-ya istinadən xəbər verir.
Xətai Rayon Məhkəməsinin hökmü ilə sürücü Dursunəli İsmayılova 3 il 6 ay müddətinə azadlıqdan məhrumetmə cəzası verilib. Onun cəzasını məntəqə tipli müəssisədə çəkəcəyi və cəzasının bitməsindən sonra 1 il 6 ay sürücülük hüququnun məhdudlaşdırılacağı qeyd edilib.
Hadisə ötən ilin dekabr ayında baş verib. 72 yaşlı Lyudmila Əliyeva avtomobil yolunu küçən zaman onu D.İsmayılov ”Kia” markalı maşınla vurub. Məhkəmə prosesində L.Əliyevanın ailəsi sürücüdən şikayətçi olmadığını bildirib.
