Bu gün ADA Universitetində jurnalistlər üçün ikigünlük “Media və hibrid hücumlar” seminarı öz işinə başlayıb. Bu haqda bu gün, 19 iyun tarixində Bakuplus.az Report-a istinadən məlumat verir.
Treninq media mütəxəssislərinin bu cür təhlükələrə hazır olmasına və onların qarşısını almağa kömək etməlidir.
Finlandiyanın Cənubi Qafqazdakı səfiri Kirsti Narinen və finlandiyalı ekspertlərin iştirakı ilə keçirilən təlim Media İnkişafı Agentliyi və ADA Universitetinin birgə təşkilatçılığı ilə baş tutur.
Seminarın açılışında çıxış edən Kirsti Narinen qeyd edib ki, bizim dövrümüzdə reallığa əsaslanan informasiya ilə saxta məlumatlar arasında sərhəd qalmayıb. Bu, jurnalistlər üçün bu cür təlimləri daha da vacib edir ki, onlar hibrid təhlükə mühitində daha yaxşı hərəkət edə bilsinlər.
Səfir vurğulayıb ki, iki gün davam edəcək seminarda hibrid təhlükələrlə necə mübarizə aparılacağına dair mühüm məsələlərin müzakirəsi olacaq.
