ADA Məktəbinin şagirdi Vyetnamda baş tutan Olimpiadada qalib olub. Bu haqda bu gün, 3 fevral tarixində Bakuplus.az Azərtac-a istinadən xəbər verir.
Həbib Əmiraslanov Vyetnamda keçirilən 2023-2024-cü il Beynəlxalq Ferma Riyaziyyat Olimpiadasında qızıl medal qazanıb.
10-11-ci sinif şagirdləri arasında keçirilən beynəlxalq olimpiada iki mərhələdən ibarət olub.
Birinci - ölkə turunda Həbib ən yaxşı seçilib. Daha sonra isə o, Vyetnamda keçirilən final mərhələsində birinci yeri tutaraq daha bir qızıl medala sahib olub.
Müsabiqədə, əsasən, Mərkəzi Asiya ölkələri olmaqla 11 ölkədən 100-dən çox şagird iştirak edib. İştirakçılar riyazi bacarıqlarını yoxlamaq üçün 20 yazılı suala cavab veriblər.
