Tanınmış model Raziyyət Əliyevanın keçmiş sevgilisinin məhkəməsi davam edir. Bu haqda bu gün, 1 aprel tarixində Bakuplus.az sosial şəbəkələrə istinadən xəbər verir.
Bakı Ağır Cinayətlər Məhkəməsinin hakimi Səyavuş Hacıyevin sədrliyi ilə keçirilən prosesdə şahidlər dindiriliblər.
İfadə verən Urfan Məcidli, Nizam Vəliyev, Elçin Bədəlov və Rövşən Əkbərov bildiriblər ki, Raziyyat Əliyevanın özünə məxsus olduğu iddia etdiyi avtomobilin texniki pasportunda Razinin deyil, məhz Ziya Hüseynzadənin adının qeyd olunduğunu görüblər.
Şahid Yafət Həsənov isə Ziya Hüseynzadənin zərərçəkmiş şəxsin anası olan Xadijat Əliyevanın evinə qalxdığını, orada olan qapısını sındırdığını və təhqiramiz ifadələr işlətdiyinin görmədiyini deyib.
"İstintaq dövründə verdiyim ifadə mənə aid deyil, o izahatı təzyiq altında imzalamışam", – deyə o qeyd edib.
Razi Əliyevanın təqsirləndirilən şəxsdən pul almadığı iddiasının da yalan olduğu sübut olunub.
Daha sonra zərərçəkmiş şəxsin yaxın rəfiqələri Kamila Süleymanova və Aytən Muxtarova ifadə veriblər. Onlar, ümumiyyətlə, Raziyyat Əliyevanın Ziya Hüseynzadə tərəfindən döyüldüyünü görmədiklərini qeyd ediblər.
Ziya Hüseynzadə bildirib ki, Razinin ən yaxın rəfiqəsi olan Kamila Süleymanova ilə daha yaxın münasibətləri olub və müxtəlif vaxtlarda Gürcüstanda onunla birlikdə yaşayıb.
Hakim Razi Əliyevanın prosesə gəlməməsi ilə bağlı onun anası Xadijat Əliyevaya xəbərdarlıq edib. Bildirilib ki, bu hal növbəti dəfə təkrarlansa, zərərçəkmiş barəsində məcburi gətirilmə barədə qərar qəbul ediləcək.
