Bu gün səhər saatlarında qatarlarda yaranan texniki nasazlıq səbəbindən Bakı metrosunda sıxlıq və gecikmələr müşahidə olunub. Bu vəziyyət bir sıra sərnişinlərin işə və məktəbə gecikməsinə səbəb olub.
Bakı sakinlərindən biri metroda qarşılaşdığı maraqlı situasiya barədə danışıb. Onun sözlərinə görə, işə gecikən qadın rəhbərliyi ilə telefonla danışaraq metroda həqiqətən problem yarandığını sübut etməyə çalışıb. Hətta rəhbərliyini inandırmaq üçün and içib.
Daha sonra isə başqa bir kişi polis əməkdaşlarına yaxınlaşaraq onlardan iş yerinin rəhbəri ilə danışmalarını xahiş edib. Polis əməkdaşları kişinin müdiri ilə əlaqə saxlayaraq metroda texniki problem yarandığını və gecikmənin bununla bağlı olduğunu bildiriblər.
Bakı sakini bu hadisədən narahat olduğunu qeyd edərək rəhbərlərə və sahibkarlara müraciət edib. O, belə hallarda işçilərin qarşılaşdığı kobud rəftarın qəbuledilməz olduğunu bildirib.
