Bakıdakı Şadlıq Saraylarında qiymət artımı gözlənilir. Bu haqda bu gün, 22 fevral tarixində Bakuplus.az Baku TV-yə istinadən xəbər verir.
Bildirilir ki, İqtisadi və Sosial İnkişafı Mərkəzinin apardığı monitorinqə əsasən, sadlıq saraylarında yanvar ayında qiymətlər 40 manatadək menyularda 5,6%, 40-80 manat arasında olan menyularda 5,8%, 100 manatdan yuxarı olanlar isə 4,9% bahalaşıb.
Ancaq şadlıq sarayları bununla razı deyil. Onlar rəqabət olduğuna görə qiymətlərin artmadığını vurğulayırlar.
“Menyuların qiymətində heç bir dəyişiklik yoxdur. Əvvəlki aylara baxanda yanvar-fevral ayları biz endirimlər də edirik. Musiqini, eləcə də əlavə tərtibatları, atəşfəşanlığı menyuların içərisinə qatırıq ki, toy sahibləri çox xərcə düşməsinlər”, – deyə baş inzibatçı Azər Məmmədov bildirib.
Buna baxmayaraq, yaxın gələcəkdə qiymətlərin artmasının istisna olunmadığı bildirilir:
“Ət, içki məhsullarının qiymətlərinin artması artıq müşahidə olunur. Böyük ehtimalla gələcəkdə bu, menyu qiymətlərinə təsir edəcək. Faiz nisbəti ilə götürsək, 20-30%-a qədər artım gözlənilir”, – deyə baş inzibatçı Zaur Xudiyev qeyd edib.
Hazırda 1 nəfər üçün menyunun qiyməti 30-300 AZN arası dəyişir. Gələcəkdə qiymətlər artmasa belə, menyuların çeşidləri azala bilər.
