Heydər Əliyev Beynəlxalq Aeroportunda insident yaşanıb. Bu haqda bu gün, 30 mart tarixində Bakuplus.az Gömrük Komitəsinə istinadən xəbər verir.
Əbu-Dabi–Bakı aviareysi ilə gələn sərnişin Orxan Bayramlı gömrük nəzarət zonasından keçən zaman onun əl çantasına baxış keçirilib. O, yoxlama otağına dəvət olunub və şifahi sorğu-sual zamanı əl yüklərindəki malları ölkə ərazisinə satış məqsədilə gətirdiyini bildirib.
Gömrük əməkdaşları mallara baxış keçirmək istəyən zaman O.Bayramlı mübahisə yaradıb və xəbərdarlıqlara məhəl qoymayıb.
Nəticədə hadisə yerinə polis orqanı əməkdaşı dəvət olunub və Orxan Bayramlı idarəyə aparılıb.
