İctimai xadim və şair Babulla Səlimov yanvarın 15-də ömrünün 78-ci ilində dünyasını dəyişib. Bu haqda bu gün, 16 yanvar tarixində Bakuplus.az məlumat verir.
Babulla Səlimov 1945-ci ildə anadan olub, Azərbaycan Neft və Kimya İnstitutunu, Bakı Ali Partiya Məktəbini fərqlənmə diplomu ilə bitirib. O, Əli Bayramlı (indiki Şirvan) Neft Texnikumunun direktoru, Şəhər İcraiyyə Komitəsinin sədr müavini, sədri, Əli Bayramlı Şəhər Sovetinin sədri, icra başçısının müavini kimi bir çox vəzifələrdə çalışıb.
Onun layihələri əsasında Əli Bayramlı şəhərində Səməd Vurğun parkı salınıb, Vurğunun və Dədə Qorqudun abidələri ucaldılıb.
Babulla Səlimov tanınmış şair və tərcüməçi, Azərbaycan Yazıçılar Birliyinin katibi Səlim Babullaoğlunun atasıdır.
