Qazaxıstanın Aktobe hava limanından Bakıya “Qazaq Air” aviaşirkətinin ilk təyyarəsi yola düşüb. Bu haqda BakuPlus.az Apa-ya istinadən bu gün, 7 iyul tarixində xəbər verir.
Aktobe hava limanının mətbuat xidmətinin yaydığı məlumata əsasən, yeni hava əlaqəsi iki ölkə arasında turizmin inkişafına və ikitərəfli əməkdaşlığın güclənməsinə imkan verəcək.
Bakıya uçuşlar Nur-Sultandan Aktobe vasitəsilə tranzitlə həftədə iki dəfə - cümə axşamı və bazar günləri həyata keçirilir. Əvvəllər həm Aktobedən, həm də Nur-Sultandan Azərbaycana müntəzəm uçuşlar həyata keçirilmirdi.
Uçuş iki saat çəkəcək. Bir tərəfə biletin qiymətinin 57 min təngədən (202 manatdan) başladığı bildirilir.
