AMEA-nın müxbir üzvü dünyasını dəyişib. Bu haqda bu gün, 12 iyul tarixində Bakuplus.az Milli Elmlər Akademiyasına istinadən xəbər verir.
İqtisadiyyat İnstitutunun nəzdində Post-konflikt Ərazilərin Bərpası Elmi Mərkəzinin rəhbəri Akif Musayev 75 yaşında vəfat edib. O, 18 iyul 1947-ci ildə Füzulidə anadan olub.
Alim 400-dən artıq elmi əsərin, bir çox monoqrafiya, dərslik və dərs vəsaitinin, fənn proqramlarının müəllifidir. O, “Dövlət qulluğunda fərqlənməyə görə medalı”, “Azərbaycan Respublikası Prezidentinin Fəxri diplomu”, eləcə də AMEA-nın və Vergilər Nazirliyinin Fəxri fərmanları ilə təltif olunub.
Bundan əlavə, A.Musayev Britaniyanın Kembric Beynəlxalq Bioqrafiya Mərkəzi və Amerikanın Şimali Karolina Bioqrafiya İnstitutunun idarə heyətləri tərəfindən “Beynəlxalq Şərəf Diplomu” və “Görkəmli lider mükafatı”na layiq görülüb.
Akif Musayev, həmçinin Gürcüstan Respublikasının Qafqaz Universitetinin Fəxri doktoru idi.
