Bakıda Xocalı soyqırımına hazırlıq işləri aparılır. Bu haqda bu gün, 22 fevral tarixində Bakuplus.az ATV-yə istinadən xəbər verir.
26 fevral – Xocalı soyqırımının 32-ci ildönümü ilə əlaqədar “Ana harayı” abidəsinin ətrafında abadlıq işləri görülür.
Belə ki, parkın ərazisində yaşıllıq örtüyü yenilənir, parkda abadlıq, təmizlik işləri görülür, yeni güllər əkilir. Parkın ətrafında və daxilində yararsız hala düşmüş hissələr bərpa edilir, oturacaqların rənglənməsi, işıqlanmanın bərpası və təmir işləri aparılır. Hər il olduğu kimi, bu il də Xocalı prospekti boyunca binaların fasadlarına, hasarlara soyqırımına aid bannerlərin vurulması və digər işlərin görülməsi nəzərdə tutulur.
“Xocalı artıq azaddır. Xocalıda artıq Azərbaycan bayrağı dalğalanır. Bugünkü gündə insanlarımızın bura gəlişi də fərqlidir. Hiss olunur ki, artıq qürur hissi ilə gəlirlər. Artıq ziyarət başlayıb. Məktəblərimiz, müxtəlif müəssisələrimiz, təhsil ocaqlarımız abidənin qarşısında müxtəlif tədbirlər keçirirlər”, – deyə Xətai RİH-nin şöbə müdiri qeyd edib.
Azərbaycan xalqının qan yaddaşı olan soyqırımına həsr olunan “Ana harayı” abidə kompleksi 1992-ci ildə inşa edilib və Bakıdakı Xocalı prospektində yerləşir.
[caption id="attachment_130484" align="alignnone" width="640"]
Foto ATV[/caption]
