2023-cü ildə Esra adlı qadın Türkiyənin "Show TV" kanalında yayımlanan "Didem Arslan Yılmazla Asla vazgeçme" verilişinə gələrək, Doğuşun onunla dini nikaha girməsi barədə fikirlər səsləndirmişdi.
Axşam.az-ın məlumatına görə, verilişdə Doğuşla bağlı əsassız iddialar yayımlandığı üçün Doğuş və aparıcı xanımı Xoşqədəm Hidayətqızı Didem Arslanı məhkəməyə verib.
Doğuşun vəkili Feyza Altun ötən gün açıqlama yayaraq müğənninin məhkəməni qalib gəldiyini bildirib:
"Təxminən iki il əvvəl Didem Arslan Yılmazın aparıcılığı ilə "Show TV"də yayımlanan verilişdə Doğuşun şəxsi həyatı ilə bağlı böhtan, təhqiramiz ifadələr ehtiva edilib. Doğuşa qarşı qaldırdığımız mənəvi təzminat iddiasını qazandıq. Bu kompensasiya müştərimiz Doğuş tərəfindən Xərçəngsiz Həyat Dərnəyinə bağışlanacaq. Biz ictimaiyyəti müvafiq olaraq məlumatlandırırıq".
Qeyd edək ki, Esra adlı xanım "Dini nikah kəsdirdiyimiz gün yanımızda Doğuşun meneceri və iki rəfiqəm vardı. Mənim xəbərim yox idi. Nikah kəsən insan gəldikdə bunu anladım. Doğuş öncədən dini nikah kəsdirməklə bağlı təklif etmədi, sürpriz oldu. Amma evli idi, mən boşanacağını zənn edirdim" sözlərini deyib.
Doğuş və aparıcı Xoşqədəm Hidayətqızı 2014-cü ildə ailə həyatı qurub. Onların bu evlilikdən əkiz oğulları var.
