Bakıda Azərbaycan Respublikasının Qida Təhlükəsizliyi Agentliyi (AQTA) marketlərdə və iaşə obyektlərində yoxlamalar keçirib. Bu haqda bu gün, 6 dekabr tarixində Bakuplus.az agentliyin mətbuat xidmətinə istinadən məlumat verir.
Keçirilən reyd zamanı Yasamal, Binəqədi və Nizami rayonlarında 10 məntəqədə qanun pozuntuları aşkarlanıb.
Belə ki, 8 mağazada çalışan işçilərin ilkin və dövri tibbi müayinədən keçməməsi səbəbindən müəssisə sahiblərinə qarşı protokol tərtib olunub. Bəzilərində isə baytarlıq şəhadətnaməsi və ya arayışı olmayan heyvan mənşəli məhsulların qəbulu faktları aşkar olunub. Həmçinin oxşar nöqsanlara görə "1 İnci Tantuni" kafesi və "Adana Sofrası" restoranı cərimələnib.
