Bakının Sabunçu rayonunda ər-arvad arasında uşaq üstündə yaranan mübahisə dava-dalaşla nəticələnib.
Hadisə rayonun Kürdəxanı qəsəbəsində baş verib.
Bakı şəhər sakini, 1988-ci il təvəllüdlü İsrafil birgə yaşadıqları evdə həyat yoldaşı Gülarə ilə mübahisə edib.
Gülarə oğlunun İsrafildən olmadığını deyib, bundan sonra kişi həyat yoldaşını döyərək ona qismən hərəkət məhdudluğu ilə müşayiət olunan xəsarətlər yetirib.
Faktla bağlı İsrafilin barəsində Cinayət Məcəlləsinin qəsdən sağlamlığa yüngül zərər vurma maddəsi ilə ittiham elan edilib.
Məhkəmə iclasında zərərçəkmiş şəxs yazılı ərizə təqdim edərək təqsirləndirilən şəxslə barışdığını, ona dəymiş ziyanın tam ödənildiyini, təqsirləndirilən şəxsə qarşı şikayət və tələbinin olmadığını bildirib.
Sabunçu Rayon Məhkəməsinin hökmü ilə İsrafil cinayət məsuliyyətindən azad olunub.
Qeyd edək ki, adlar şərti verilib.
Mənbə: demokrat.az
