Bakının daha bir küçəsində avtobus zolağı çəkilib. Bu haqda bu gün, 2 iyul tarixində Bakuplus.az Yerüstü Nəqliyyat Agentliyinə istinadən xəbər verir.
Ümumi istifadədə olan nəqliyyat vasitələri üçün Əbdürrəhim bəy Haqverdiyev küçəsinin İnşaatçılar prospektindən Mətbuat prospektinədək olan hissəsində hərəkət zolağı təşkil edilib. Həmin yol sahəsində avtobus zolağının tələbinə uyğun nişanlanma xətləri çəkilib və müvafiq yol nişanları quraşdırılıb.
Gün ərzində Ə.Haqverdiyev küçəsindən 1123 dəfə avtobus keçir. Bu işlər paytaxtın digər küçə və prospektlərində də həyata keçiriləcək.
