Azərbaycan Texniki Universitetinin professoru vəfat edib. Bu haqda bu gün, 5 avqust tarixində Bakuplus.az Texniki Universitetə istinadən xəbər verir.
Professor Əli Sadıxov 84 yaşında dünyasını dəyişib.
Əli müəllim 140-dan çox elmi-metodiki əsərin, o cümlədən 12 ixtira, 15 dərs vəsaiti və monoqrafiyanın müəllifidir.
O, Əlcəzair Xalq Demokratik Respublikası və Madaqaskar universitetlərində pedaqoji fəaliyyət göstərib. Təhsil Nazirliyinin (indiki Elm və Təhsil Nazirliyi) Ali Məktəblər İdarəsinin rəisi, eləcə də Azərbaycan Texniki Universitetinin rektoru vəzifələrində çalışıb.
