Azərbaycan Tibb Universitetində (ATU) təhsil alan III, IV, V və VI kurs tələbələri TƏBİB-in tabeliyində olan tibb müəssisələrinə orta tibb işçisi kimi cəlb olunacaqlar. Bu haqda 27 dekabr tarixində Report məlumat verib.
Verilən məlumata əsasən, TƏBİB və Azərbaycan Tibb Universiteti birgə əməkdaşlığa başlayıb. Bununla bağlı “Yeni klinika”da ATU-nun III, IV, V və VI kurs tələbələri ilə görüş keçirilib, onların TƏBİB-in tabeliyində olan tibb müəssisələrinə orta tibb işçisi kimi cəlb olunması müzakirə olunub.
Hazırda TƏBİB-in tabeliyində olan tibb müəssisələrində çalışan işçilərin sayı 97.215 nəfərdir. Onların 16.381 nəfəri həkim, 38.949 nəfəri orta tibb işçisi, 22.608 nəfəri isə kiçik tibb işçisidir.
