Azərbaycanda yaşayış və qeyri-yaşayış sahələrinin alqı-satqı zamanı ödənilən əlavə dəyər vergisinin (ƏDV) bir hissəsinin qaytarılması ilə bağlı yeni portal istifadəyə verib. Bu haqda 25 noyabr tarixində Report Dövlət Vergi Xidmətinə istinadən xəbər verib.
Fərmanın icrası çərçivəsində Vergilər İdarəsində MTK tərəfindən elektron qəbzlərin yaradılması və alıcılar tərəfindən müraciətlərin verilməsi üçün internet portalı yaradılıb.
ƏDV almaq üçün alıcı 90 gün ərzində (aldığı əmlakın dəyəri tam ödənildikdən sonra) xüsusi portalda elektron kabinet yaratmalı, bu kabinet vasitəsilə ƏDV-nin qaytarılması üçün müraciət və müvafiq sənədlər göndərməlidir.
Qaydalara əsasən, fiziki şəxsə ƏDV-nin qaytarılması prosesi nağdsız qaydada bankda açılmış hesab vasitəsilə aparılır. ƏDV-nin qaytarılması daşınmaz əmlakın alıcısı tərəfindən xüsusi portalda ərizə təqdim edildikdən sonra 30 gün ərzində həyata keçirilməlidir.
