Şəhərlərarası və rayonlararası müntəzəm avtobus marşrutlarına biletlərin onlayn satışını həyata keçirən Biletim.az portalı istifadəyə verilib. Bu haqda bu gün, 9 dekabr tarixində Bakuplus.az AYNA-nın idarə heyətinin sədri Anar Rzayevə istinadən məlumat verir.
Biletim.az portalı şəhərlərarası və rayonlararası müntəzəm avtobus marşrutlarına biletlərin onlayn satışını həyata keçirəcək.
Sədrin sözlərinə görə, “Biletim” sisteminin mobil tətbiqini App Store və Google Play-dən yükləmək olar.
“Biletlər 10 gündən sonra satışa çıxarılacaq. Sərnişinlər bilet almaq üçün www.biletim.az saytına daxil olub qeydiyyatdan keçməlidirlər. QR-kod əsaslı bilet səyahətdən əvvəl kağız və ya elektron formatda sürücüyə və ya nəzarətçisinə təsdiq üçün təqdim edilməlidir. Vətəndaşlar biletləri dekabrın 15-dən onlayn əldə edə bilərlər. Bir sərnişin maksimum 5 bilet ala biləcək”, - deyə Rzayev əlavə edib.
O qeyd edib ki, xarici vətəndaşlar da portaldan istifadə edə biləcəklər.
