Parisdə yaşayan azərbaycanlılar Fransanın paytaxtında daha bir aksiya keçiriblər. Bu haqda bu gün, 14 noyabr tarixində Bakuplus.az AZfront-a istinadən xəbər verir.
Zəfər tağının qarşısında keçirilən aksiyada həmyerlilərimiz Fransa Senatının Azərbaycana qarşı irəli sürdüyü qətnaməyə qarşı çıxıblar.
İştirakçılar fransızca yazılmış “Gəncədə həlak olan uşaqlarla bağlı sanksiyalar tətbiq edin”, “93 azərbaycanlı raket hücumu nəticəsində öldürülüb - Fransa bizi kütləvi qətldə ittiham edir?” lozunqlarını, eləcə də Fransa Senatına ünvanlanmış petisiyanın embleminin əks olunduğu transporantları nümayiş etdiriblər.
Fransa saytında yaradılmış sözügedən petisiya 11 oktyabr tarixindən bu günə qədər 120.000-dən artıq imza toplayıb.
Daha öncə, 13 noyabr tarixində 50-dən çox azərbaycanlı Parisdə Senatın qarşısında aksiya keçirmişdir.
[caption id="attachment_78903" align="alignnone" width="640"]
Foto AzFront Telegram kanalı[/caption]
