“Azərbaycan Hava Yolları” QSC (AZAL) pilot layihə çərçivəsində Bakıdan İstanbula və əks istiqamətdə uçuşlar üçün baqajsız biletlərin satışına başlayıb. Bu haqda bu gün, 1 sentyabr tarixində Bakuplus.az AZAL-a istinadən məlumat verir.
Uçuşları onlayn bron edərkən sərnişinlər daha sərfəli “Economy Lite” tarifini seçə bilərlər. Buraya yalnız əl yükü (çəkisi 10 kq-yə qədər və ölçüləri 55x40x23 sm-ə qədər) daxildir. “Ekonom” tarifi ilə müqayisədə qiymət fərqi təxminən 25 manat təşkil edir.
Gələcəkdə baqaj yeri lazım olsa, sərnişin 24 saat xidmət göstərən zəng mərkəzinə və ya birbaşa hava limanındakı qeydiyyat masasına müraciət etməklə “Rezervasiyanı idarə et” bölməsində baqajı onlayn olaraq geri ala biləcək.
