“Azərbaycan Hava Yolları” QSC (AZAL) Heydər Əliyev Beynəlxalq Aeroportundan Naxçıvan istiqamətində və əks istiqamətdə dekabrın 18-nə planlaşdırılan bütün reysləri təxirə salıb. Bu haqda bu gün, 19 dekabr tarixində Bakuplus.az AZAL-ın mətbuat xidmətinə istinadən məlumat verir.
Ləngimələr Naxçıvan şəhərində gözlənilən əlverişsiz hava şəraiti ilə əlaqədar (güclü duman) yaranıb.
AZAL sərnişinlərdən uçuşlar haqqında ən son məlumatları aviaşirkətin sosial şəbəkələrdəki rəsmi hesablarının səhifələrində və KİV-də izləməyi xahiş edir.
“Əlavə suallar yarandıqda aviaşirkətin 24 saat fəaliyyət göstərən çağrı mərkəzinə, callcenter@azal.az elektron poçt ünvanına və ya +994 55 204 65 54, +994 70 437 40 86 WhatsApp nömrələri vasitəsilə müraciət edə bilərsiniz”, - məlumatda qeyd edilib.
