Bu gün Baş Prokurorluğun böyük prokuroru Kənan Zeynalov Qarabağdakı antiterror tədbirləri ilə bağlı brifinq keçirib. Bu haqda bu gün, 20 sentyabr tarixində Bakuplus.az məlumat verir.
Brifinqdə terror hücumları zamanı hədəfə alınan mülki şəxslər barədə məlumat verilib:
- Azərbaycan Avtomobil Yolları Dövlət Agentliyinin 2 əməkdaşı işğaldan azad olunan ərazilərimizdə yol infrastrukturunun qurulması məqsədilə orada çalışırdı;
- 4 polis əməkdaşı ərazidə ictimai asayişi bərpa etmək məqsədilə ezam olunmuş şəxslər idi;
- 56 yaşlı Vidadi Fərhadov Şuşa şəhərində mənzil-kommunal və təmir xidməti mühəndisi idi;
- Çoxsaylı qəlpə xəsarətlərindən dünyasını dəyişən 31 yaşlı Mehman Həsənov Ağdam rayonunda ərazidə bərpa quruculuq işləri aparan şirkətlərdən birinin ekskavator operatoru idi.
Faktlarla bağlı Baş Prokurorluq tərəfindən cinayət işi başlanmaqla istintaq aparılır.
Link: https://www.youtube.com/watch?v=eelc-bWNB6U
