Bakı Baş Gömrük İdarəsinə yeni rəis təyin olunub. Bu haqda bu gün, 6 iyul tarixində Bakuplus.az Report–a istinadən xəbər verir.
Bakı Baş Gömrük İdarəsinin rəis müavini, 35 yaşlı Elmir Ramazanov idarənin rəisi vəzifəsinə təyin olunub. Dövlət Gömrük Komitəsinin (DGK) sədri Şahin Bağırov bununla bağlı əmr imzalayıb.
Ramazanov Azərbaycan Dövlət İqtisad Universitetinin İqtisadiyyatın hüquqi tənzimlənməsi fakültəsini bitirib. Əmək fəaliyyətinə Vergilər Nazirliyində vergi inspektoru vəzifəsindən başlamaqla müxtəlif postlarda çalışıb. Nəticədə Dövlət Vergi Xidmətinin Milli Gəlirlər Baş İdarəsinin rəis müavini vəzifəsinə qədər yüksəlib. 2022-ci ilin avqust ayından Bakı Baş Gömrük İdarəsinin rəis müavini təyin edilib.
