Bakı Dövlət Universitetinin (BDU) professoru Rauf Quliyev 85 yaşında dünyasını dəyişib. Bu haqda bu gün, 11 oktyabr tarixində Bakuplus.az Report-a istinadən xəbər verir.
Quliyev Biologiya fakültəsinin Genetika kafedrasının professoru vəzifəsində çalışıb. O, 1938-ci ildə Gəncədə anadan olub. 1962-ci ildə Azərbaycan Kənd Təsərrüfatı Akademiyasını fərqlənmə diplomu ilə bitirib.
Rauf Quliyev 1967-ci ildən müsabiqə əsasında BDU-nun Genetika və darvinizm kafedrasının assistenti, baş müəllimi, dosenti, eləcə də professoru olub. 1988-2018-ci illərdə isə kafedra müdiri vəzifələrində çalışıb.
Professor elmi-pedaqoji fəaliyyəti dövründə 97 məqalə, 1 monoqrafiya, 3 kitab, metodik göstəriş və proqramın müəllifi olub.
