“Zığ” Gəmi Təmiri və Tikintisi Zavodunda daha bir su nəqliyyatı əsaslı təmir olunub. Bu haqda bu gün, 21 dekabr tarixində “Azərbaycan Xəzər Dəniz Gəmiçiliyi” QSC-nin mətbuat xidməti məlumat yayıb.
“Mahmud Rəhimov” universal quru yük gəmisinin baş və köməkçi mühərrikləri, həmçinin nasosları bərpa olunub. Elektrik və avtomatika quraşdırmaları təkmilləşdirilib.
Yaşayış və xidməti otaqları təmir olunub və yeni avadanlıqlarla təchiz edilib. Gəminin sualtı və suüstü hissələri tam təmizlənərək rənglənib.
Müvafiq yoxlamalardan keçən su nəqliyyatı hal-hazırda Türkmənistanın Bektaş limanından Hövsan limanına doğru üzür.
“Mahmud Rəhimov” gəmisinin uzunluğu 117,5, eni 16,5 metrdir, onun yükgötürmə qabiliyyəti 4100 tondur.
