Bakı şəhəri ərazisində avtobuslarda cibgirlik edən şəxslər saxlanılıb. Bu haqda bu gün, 6 noyabr tarixində Daxili İşlər Nazirliyinin mətbuat xidməti məlumat yayıb.
Paytaxtın Yasamal, Nəsimi, Xətai, Nizami və Sabunçu rayonlarında keçirilən əməliyyatlar zamanı 12 nəfər şübhəli bilinərək tutulub.
Onlar ümumilikdə 20 nəfərdən artıq sərnişinlərin çanta və ciblərindən telefon, pul kisəsi və digər əşyaları oğurlayıblar. Daha sonra telefonları mağazalarda satırdılar.
Saxlanılanlardan birində heroin də aşkarlanıb.
Qeyd olunan şəxslərin qanunsuz əməlləri avtobus və dayanacaqların təhlükəsizlik kameralarında lentə alınıb.
