Bakıda 2 yeni marşrut xətti yaradılacaq. Bu haqda bu gün, 30 avqust tarixində Bakuplus.az Bakı Nəqliyyat Agentliyinə istinadən xəbər verir.
Sərnişin tələbatı nəzərə alınaraq metronun “Xalqlar Dostluğu” stansiyasını Binə T/M ilə əlaqələndirən E1 və Sədərək T/M ilə əlaqələndirən E2 nömrəli marşrut xətlərinin yaradılmasına qərar verilib.
Bundan əlavə, 104, 161, 163, 166, 189 nömrəli müntəzəm marşrut xətləri yeni sərnişindaşıma şirkətlərinə veriləcək. Bununla əlaqədar müsabiqə elan olunub. Müsabiqədə iştirak etmək istəyənlər Bakı Nəqliyyat Agentliyinə müraciət edə bilərlər.
