Bakıda oğurluqlar edən və 25 il axtarışdan sonra tutulan şəxs barəsində məhkəmə qərar verib. Bu haqda bu gün, 27 dekabr tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin qərarı ilə Rizvan Həsənov məhkəmə zalından azadlığa buraxılıb.
R.Həsənov 1997-ci ildə Qaradağ rayonunun Sahil qəsəbəsində Qaradağ sement zavodundan ümumilikdə 404.025 manat (indiki valyuta ilə 80,80 AZN ) dəyəri olan 1 ton 250 kq sement oğurlayıb. O, barəsində qərar çıxana qədər şəhəri tərk etməmək üçün göstəriş alıb, ancaq məhkəmədən qaçaraq gizlənib.
Həsənov haqda yalnız 9 noyabr 2022-ci il tarixində xəbər almaq mümkün olub və o, Lənkəran şəhər Polis Şöbəsinin əməkdaşları tərəfindən tutulub.
