Bakıda 30 km/saat sürət həddi olan küçələrin sayı artırıla bilər. Bu haqda bu gün, 2 dekabr tarixində Bakuplus.az Avtosfer.az saytına istinadən xəbər verir.
Baş Dövlət Yol Polisi İdarəsinin İctimai qurumlarla əlaqə şöbəsinin rəisi, polis mayoru Rövşən Tağıyevin sözlərinə görə, hazırda 33 küçədə 30 km/saat sürət limiti qoyulub. Bu qaydalar piyadaların vurulmasının qarşısını aldığı üçün gələcəkdə digər küçə və prospektlərdə sürət həddinin endirilməsi nəzərdə tutula bilər.
Paytaxt ərazisində yol-nəqliyyat hadisələrinin 63%-i piyadaların iştirakı ilə baş verir.
