Bakıda qaraj qanunsuz əsasda sökülüb. Bu haqda Oxu.az 3 yanvar tarixində xəbər verib.
MTK sədri ərazidə yüksəkmərtəbəli yaşayış binalarının tikintisi məqsədilə 0,5810 hektar torpaq sahəsinin Kooperativə verilməsinə çalışıb.
2018-ci ilin iyun ayından etibarən həmin ərazidə söküntü və tikinti-quraşdırma işləri aparılarkən ümumi sahəsi 18 kvadratmetr olan qaraj sökülüb.
Qarajın sahibi ilə razılığa gəlməyən MTK sədri vətəndaşa ümumilikdə 14.400 manat ziyan vurmaqla onun əmlakını qəsdən məhv edib.
İstintaq zamanı isə həmin qarajın orta bazar qiymətinin 35.000 manat olduğu müəyyən edilib.
Məhkəmə MTK sədrini Cinayət Məcəlləsinin 186.1-ci (Əmlakı qəsdən məhv etmə və ya zədələmə) maddəsi ilə təqsirli bilib.
Ancaq onun cinayət məsuliyyətinə cəlb etmə müddəti keçdiyindən ona cəza təyin edilməyib. Təqsirləndirilən şəxs barəsində seçilmiş “başqa yerə getməmək barədə iltizam” qətimkan tədbiri qanuni qüvvəyə minənədək dəyişdirilmədən saxlanılıb.
