Paytaxtın Nərimanov rayonunda ağaclar kəsilib. Bu haqda BakuPlus.az Baku.ws-ə istinadən bu gün, 23 sentyabr tarixində xəbər verir.
Ötən gün baş vermiş hadisə ilə bağlı vətəndaşlar iddia edirlər ki, sağlam ağaclar hansısa qurum tərəfindən kəsilir.
Məsələ ilə bağlı Dövlət Ekoloji Təhlükəsizlik Xidməti bildirib ki, Nərimanov rayonu, Koroğlu Rəhimov küçəsində ağac kəsintisi deyil, ətrafdakı evlərə təhlükə yaradan qovaq ağacının budanması həyata keçirilib.
“Nərimanov Rayon Bələdiyyəsi tərəfindən sözügedən ünvandakı qovaq ağacının sakinlərə və evlərə təhlükə yaratması ilə bağlı Dövlət Ekoloji Ekspertiza Agentliyinə müraciət olunub və agentliyin rəyi əsasında ağac Yaşıllaşdırma Təsərrüfatı Birliyi tərəfindən budanıb”, - deyə xidmət rəsmisi Bəhruz Məhəmmədov bildirib.
