Almaniya və Yunanıstanın istehsalı olan “Odda - İki bacı” ("Sisters apart") anti-Türkiyə filminin nümayişi planlaşdırıldığı üçün Bakıda “Landmark”ın qarşısında etiraz aksiyası keçirilib. Bu haqda 30 noyabr axşam saatlarında Report məlumat verib.
Aksiya iştirakçıları Türkiyəyə dəstək nümayiş etdirərək “Terrora son!”, “Yaşasın Azərbaycan, Türkiyə!” şüarlarını səsləndiriblər.
Daha öncə Bakı kinoteatrları Almaniya və Yunanıstanın istehsalı olan “Odda - İki bacı” filmini nümayiş etdirməkdən imtina etmişdilər.
Lakin Almaniyanın Bakıdakı səfirliyi və Aİ-nin Azərbaycandakı nümayəndəliyi filmi gələn həftə “Landmark” biznes mərkəzində nümayiş etdirmək niyyətini göstərib. Bu barədə sosial şəbəkələrdə elan yerləşdirilib.
Avropa İttifaqının Azərbaycandakı nümayəndəliyindən bildirilib ki, Avropa Film Festivalı çərçivəsində dekabrın 5-nə planlaşdırılan “Odda - İki bacı” filminin nümayişi ləğv edilib.
[caption id="attachment_81254" align="alignnone" width="640"]
Foto Report.az saytı[/caption]
