Qadınları fahişəliyə sövq edən qadın barəsində qərar verilib. Bu haqda bu gün, 27 fevral tarixində Bakuplus.az Oxu.az-a istinadən xəbər verir.
“Naz Studio” MMC-nin direktoru Nazlı Süleymanova Bakıda səyyar masaj xidməti göstərmək adı ilə qurduğu şirkət vasitəsilə intim xidmətlər göstərirdi.
Belə ki, onun 2021-ci ildə təsis etidyi şirkətinin fəaliyyət istiqaməti səyyar masaj xidməti göstərməkdən ibarət olub. O, bununla bağlı müxtəlif elan saytlarında vakansiya yerləşdirib. Daha sonra Nazlı bəyəndiyi qadınları evinə çağıraraq, videomüşahidə kamerasının altında şirkətin adından tərtib etdiyi müqaviləni imzalatdırıb.
Sonra o, qadınları müxtəlif ünvanlara xidmət göstərmək üçün yollamağa başlayıb. İntim xidmət göstərmək istəməyən qadınları təhqir edib və hədələyib. Qadınların “xidmət haqqı” işə görə 100-400 AZN arasında dəyişib.
Nazlı Süleymanova barəsində 5 nəfərdən artıq qadın şikayət edib. Məhkəmənin qərarı ilə o, 3500 AZN məbləğində cərimə edilib. Ancaq həbsdə və ev dustaqlığında saxlanıldığı 3 ay 1 gün nəzərə alınmaqla cərimənin məbləği 2600 AZN təyin olunub.
