Bakıda “Beynəlxalq Ordu Oyunları - 2022” yarışları çərçivəsində Bakı şəhərində keçirilən “Dəniz kuboku” müsabiqəsinin təntənəli açılış mərasimi keçirilib. Bu haqda BakuPlus.az Müdafə Nazirliyinin mətbuat xidmətinə istinadən bu gün, 16 avqust tarixində xəbər verir.
Tədbirdə Müdafiə Nazirliyinin rəhbərliyi, Milli Məclisin deputatları, Qaradağ rayon İcra Hakimiyyətinin, Respublika Veteranlar Təşkilatının, Azərbaycan Xəzər Dəniz Gəmiçiliyinin və iştirakçı ölkələrin nümayəndələri, hərbi attaşelər, yerli və xarici kütləvi informasiya vasitələrinin əməkdaşları, eləcə də digər qonaqlar iştirak ediblər.
Müsabiqədə iştirakçı dövlətlərin bayraqları hərbi orkestrin müşayiəti ilə meydana daxil edilib.
Sonra “Dəniz kuboku” beynəlxalq müsabiqəsi açıq elan olunub.
Açılış mərasimində incəsənət ustalarının, Həzi Aslanov adına Ordu-İdeoloji və Mədəniyyət Mərkəzinin kollektivinin iştirakı ilə teatrlaşdırılmış kütləvi bədii proqram təqdim olunub.
“Dəniz kuboku” müsabiqəsində hərbi dənizçilər “Artilleriya atışlarının yerinə yetirilməsi”, “Gəminin dayanıqlığı uğrunda mübarizə və xilasetmə hazırlığı” və “Dəniz hazırlığı” üzrə mərhələlərdə güclərini sınayaraq birincilik uğrunda mübarizə aparacaqlar.
[caption id="attachment_59092" align="alignnone" width="800"]
Foto Müdafiə Nazirliyinin rəsmi saytı[/caption]
