Yenilənib 15:55
Polis əməkdaşları tərəfindən azyaşlının atası müəyyən olunaraq övladı barədə məlumatlandırılıb. Bu haqda DİN-in mətbuat xidmətinin şöbə rəisi, polis mayoru Elşad Hacıyev məlumat verib.
“Ata müvafiq tədbirlərin icrası məqsədilə Suraxanı Rayon Polis İdarəsinə dəvət olunub. Hazırda azyaşlı ilə bağlı araşdırmalar davam etdirilir”, - DİN-in rəsmisi bildirib.
Azyaşlı hazırda Azərbaycan Uşaqlar Birliyinin sığınacağındadır.
Bakıda azyaşlı qız tapılıb 11:40
Bakının Suraxanı rayonunda 10 yaşlı qız tapılıb. Bu haqda 18 noyabr axşam saatlarında “Azərbaycan Uşaqları” İctimai Birliyinin sədri Kəmalə Ağazadə sosial şəbəkədə yazıb.
Qızın dediyinə görə, 21 may 2012-ci ildə anadan olub və onun adı Məmmədova Məsumədir. Uşaq Bakı şəhəri Suraxanı Rayon Polis İdarəsinin əməkdaşları tərəfindən tapılıb. İndi qız Azərbaycan Uşaqlar Birliyinin sığınacağındadır. Uşağın bədənində fiziki zorakılıq izləri aşkar edilib. Qız deyir ki, bir vaxtlar 11 saylı internat məktəbində oxuyub.
Uşağı tanıdığınız halda 055 526 08 88 nömrəsinə zəng etməyiniz xahiş olunur.
