Bu gün Bakıda Gənc Sahibkarların II Forumu keçirilib. Bu haqda 10 dekabr tarixində Report xəbər verib.
Tədbir Gənclər və İdman Nazirliyinin, Azərbaycan Gənclər Fondunun, Kiçik və Orta Biznesin İnkişafı Agentliyinin (KOBİA) və KOBİA yanında İctimai Şuranın təşkilatçılığı ilə baş tutub.
Forumda KOBİA-nın İdarə Heyətinin sədri Orxan Məmmədov, Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili və başqaları çıxış ediblər.
Forumda həmçinin, gənc sahibkarlar biznesin qurulmasına dair uğurlu təcrübələrini, bu sahənin inkişafına yaxşı yöndə təsir edəcək tədbirlər barədə fikirlərini bölüşüblər.
