Bakıda veloyürüş keçirilib. Bu haqda 19 fevral tarixində APA məlumat verib.
Bakı Şəhər İcra Hakimiyyətinin Nəqliyyat Agentliyi, Bakı Şəhər Gənclər və İdman Baş İdarəsi və Azərbaycan Velosiped İdmanı Federasiyasının birgə təşkilatçılığı ilə martın 19-da Novruz Bayramına həsr edilmiş veloyürüş keçirilib. Yürüşdə 30 həvəskar velosipedçi iştirak edib.
Veloyürüşün əsas məqsədi insanlar arasında ekoloji təmiz nəqliyyat növlərindən istifadənin təbliği, vətəndaşların idmanın bu növünə olan marağının artırılması, onların aktiv həyata cəlb edilməsidir.
Yürüşün sonunda 4 qalib müəyyən olunub və onlara qiymətli hədiyyələr təqdim olunub. Digər iştirakçılar isə sertifikatlarla mükafatlandırılıblar.
Bakı Şəhər İcra Hakimiyyətinin Nəqliyyat Agentliyi tərəfindən bir sıra mərkəzi küçələrdə velisiped zolaqlarının salınması işləri həyata keçirilir. Artıq şəhərin mərkəzini əhatə edən 7,5 km uzunluğunda velosiped yolunun 1,6 km-i yekunlaşıb.
[URIS id=37754]
