Bakıda və Abşeron yarımadasında həftənin sonunadək qeyri-sabit, yağıntılı hava şəraiti davam edəcək. Bu haqda bu gün, 5 dekabr tarixində Hidrometeoroloji Proqnozlar Bürosunun direktoru Gülşad Məmmədova məlumat verib.
Dekabrın 4-də Bakıda havanın temperaturu iqlim normasından 3 dərəcə aşağı olub. Bakıda və Abşeron yarımadasında havanın minimal temperaturu 2 dərəcəyədək düşüb.
Gün ərzində Bakıda və Abşeron yarımadasında arabir yağıntılı olacağı, bəzi şəhərətrafı ərazilərdə sulu qar yağacağı gözlənilir. Mülayim şimal-şərq küləyi əsəcək. Havanın temperaturu 3-5 dərəcə isti təşkil edəcək.
Dekabrın 6-da Bakıda və Abşeron yarımadasında arabir yağış yağacağı, yarımadanın bəzi yerlərində sulu qara keçəcəyi gözlənilir.
