Bakının Nərimanov rayonundakı Məmməd Araz və Aşıq Molla Cümə küçələri boyunca olan ərazidə ağacəkmə aksiyası keçirilib. Bu haqda bu gün, 29 aprel tarixində Report məlumat verib.
Bakı Şəhər İcra Hakimiyyəti və Dövlət Şəhərsalma və Arxitektura Komitəsi ilə birgə keçirilən aksiya Heydər Əliyevin anadan olmasının 100 illik yubileyinə həsr olunub.
Aksiyanın keçirildiyi ərazi lazımsız tullantılardan təmizlənərək Abşeron yarımadasının torpaq-iqlim şəraitinə uyğun yeni ağaclar əkilib. Əkilən ağaclara gələcək qulluq üçün suvarma məsələləri həll olunub, məsul şəxslər müəyyən edilib.
[caption id="attachment_98786" align="alignnone" width="896"] Foto Report.az[/caption]
